NJOFTIM PUNËSIMI<br><br><br>Titulli i Pozicionit: Menaxher/e marketingu <br><br>I raporton: Drejtoreshës Operacionale (COO) <br><br>Lloji i Punës: Kohë e plotë <br><br>www.matrixkonstruksion.com <br><br>Matrix Konstruksion është një nga kompanitë lider në ndërtim në Shqipëri, me një portofol të gjerë projektesh në ndërtim civil, real estate, turizëm elitar, infrastrukturë dhe energji të rinovueshme. Kompania kërkon të zgjerojë ekipin e saj me një Menaxher/e marketingu, që do të jetë përgjegjës/e për zhvillimin dhe zbatimin e strategjisë së marketingut, promovimin e projekteve strategjike dhe forcimin e imazhit të markës në treg. <br><br><br>Detyrat dhe përgjegjësitë<br><br>• Harton dhe zbaton strategjitë të marketingut me qëllim rritjen e markës, për të arritur audiencën e synuar dhe për të nxitur shitjet në kanale të ndryshme; <br>• Kryen hulumtime për të identifikuar tendencat dhe mundësitë e tregut dhe përshtat strategjitë në përputhje me objektivat e kompanisë; <br>• Planifikon, zbaton dhe monitoron dhe përgatit raporte periodike mbi ecurinë e fushatave të marketingut në të gjitha kanalet e komunikimit të kompanisë; <br>• Menaxhon dhe optimizon buxhetin e marketingut, duke siguruar strategji me kosto efektive; <br>• Bashkëpunon me Departamentin e Shitjes dhe Departamentet e tjera për të ndërtuar dhe optimizuar strategjitë e marketingut; <br>• Bashkëpunon me Agjencitë e Marketingut për të siguruar implementimin efektiv të strategjive të marketingut; <br>• Siguron menaxhimin dhe zhvillimin e mëtejshëm të markës, si dhe harton planet afatshkurtra dhe afatgjata për të rritur ndërgjegjësimin dhe pozicionimin në treg; <br>• Zhvillon dhe mbikëqyr strategjinë e mediave sociale dhe kanaleve të tjera të komunikimit; <br>• Ndjek matjet e performancës dixhitale (SEO, Web Analytics), për optimizimin e fushatave bazuar në të dhënat analitike, si dhe zhvillon përmbajtjen kreative në kanalet e komunikimit të kompanisë; <br>• Monitoron dhe raporton rregullisht mbi efektivitetin e fushatave dhe iniciativave të marketingut. <br><br>Kërkesat/ cilësitë: <br>• Të zotërojë diplomë në nivel Master Shkencor / Profesional ose diplomë të fituar në universitete të huaja të njohura nga MASR në Ekonomi, Profili Marketing; <br>• Të ketë përvojë pune jo më pak se 5 vite në pozicione të ngjashme; <br>• Njohuri të CRM-së, Sistemit të menaxhimit të të dhënave të klientit (përbën avantazh); <br>• Njohuri shumë të mira të gjuhës angleze, dhe /ose gjuhë të huaja të tjera të Bashkimit Evropian; <br>• Aftësi shumë të mira analitike, menaxhimi, planifikimi dhe organizimi të disa projekteve njëkohësisht; <br>• Aftësi për të punuar në grup dhe për të gjetur zgjidhje; <br>• Të ketë iniciativë dhe fleksibilitet lidhur me orarin e punës;<br>• Të ruajë konfidencialitetin e informacionit në punë;<br>• Etikë pune dhe integritet, në respektim të standardeve të Shoqërisë. <br>Kërkohet një kandidat/e me:<br>• Iniciativë dhe shpirt krijues për të propozuar, zhvilluar dhe finalizuar ide, aktivitete dhe fushata marketingu & promovimi, në përmbushje të nevojave të Shoqërisë; <br>• ·Gatishmëri për të përqafuar dhe përdorur tendencat dhe teknologjitë bashkëkohore në Design-Marketing, me qëllim propozimin e standardeve dhe praktikave të reja për zbatim. <br>Orari i punës:<br><br>E Hënë – E Premte: 08:45-17:30<br>Afati i fundit i aplikimit është data 28 Shkurt 2026. <br>* Vetëm kandidatët e përzgjedhur do të kontaktohen.<br>* Të dhënat e kandidatëve do të trajtohen me konfidencialitet të plotë, në zbatim të ligjit nr. 9887, datë 10.03.2008 “Për Mbrojtjen e të Dhënave Personale”, i ndryshuar. <br><br>Të gjithë të interesuarit, janë të lutur të dërgojnë CV dhe 2 rekomandime në adresën e email-it hr@matrixkonstruksion.com ose në faqen tonë në LinkedIn.
